بابەتێن نی هاتینە بەلافكرن كلیك بكە
مالپەر و فیس بوك كلیك بكە
فیس بوكێ‌ رێڤەبەریێ‌
سەرەدانكەرێن مالپەرێ‌ رێڤەبەریێ‌ Flag Counter
هژمارا سەرەدانكەرن

هژمارا سەرەدانكەران : (1047)
سەرەدانكەرین نها دناڤ مالپەریدا

سەرەدانكەرێن نها : (1)مێهڤانە
Social Media
رێكخستنا دەفتەرا رێدانا گەریانا ترومبێلا
1- ترومبێلێ‌ ئامادە بكەت و سالناما ترومبێلێ‌ یا نویكربیت و هەلگرا تابلویا هەرێمێ‌ بیت.
2- پێدڤیە خودانێ‌ ترومبێلێ‌ مولەتا شوڤێریا نیڤ دەولەتی هەبیت.
3- ئەگەر شوڤێر هەبیت پێدڤیە : -

أ- بریكارناما تایبەت بشوڤێریێ‌ هەبیت ژ خودانێ‌ ترومبێلێ‌.

ب- مولەتا شوڤێریا نیف دەولەتی هەبیت.

ت- ناسنامەكێ‌ دگەل خو ئامادەبكەت.
4- دەستەبەری و سوز :

أ- ئەگەر خودانێ‌ ترومبێلێ‌ عراقی بیت دێ‌ سوزەك دێ‌ ژێ‌ هێتە وەرگرتن ل بەشێ‌ یاسایی ژ بو زڤراندنا ترومبێلێ‌.

ب-ئەگەر خودانێ‌ ترومبێلێ‌ بیانی بیت ئانكو عراقی نەبیت پێدڤی یە دەستەبەرەكی ئامادەبكەت ب ڤان مەرجان بو زڤراندنا ترومبێلێ‌ :-

*- ئەگەر فەرمانبەرێ‌ هەریمێ‌ بیت پێدڤیە نڤێسارەكا پەسەندكری یا ئاراستەكری بو رێڤەبەریا مە ژ رێڤەبەریا خو بینیت و مووچێ‌ ویێ‌ بنەرەت ژ (240000) هزار دینارا كێم ترنەبیت.

*- ئەگەر دەستەبەر هەلگرێ‌ ناسناما ژورا بازرگانی بیت و پێدڤیە ناسناما وی یا نویكریبیت.
5- خودانێ‌ ترومبێلێ‌ ماف هەیە بریكارنامێ‌ بدەتە دوو كەسان وەك شوڤێر بو هاژوتنا ترومبێلێ‌ لدویف مەرجێن ل خالا (3) دیاركری ل سەری.
6- ل رێڤەبەریا مە دێ‌ نڤێسارەك هێتە ئاراستەكرن بو رێڤەبەریا هاتن و چوونێ‌ ئەوا ترومپێل لێ‌ هاتیە توماركرن ژ بو دانا پێزانینان و دانانا دەستەسەری ل سەر ترومبێلێ‌.
7- بهایێن رێكخستنا دەفتەرێ‌ بو ماوێ‌ سالان وەك ل خارێ‌ دیار:-

* رێكخستنا دەفتەرێ‌ بو ماوێ‌ ئێك سال ب بهایێ‌ ( 80000 ) هزار دینارێن عێراقی یە ، زێدەباری كریا پشكنینێ‌ و خەرجیێن دیتر .

* رێكخستنا دەفتەرێ‌ بو ماوێ‌ دوو سالان ب بهایێ‌ ( 120000 ) هزار دینارێن عیراقی یە ، زێدەباری كریا پشكنینێ‌ و خەرجیێن دیتر .

* رێكخستنا دەفتەرێ‌ بو ماوێ‌ سێ‌ سالان ب بهایێ‌ ( 160000 )هزار دینارێن عیراقی یە ، زێدەباری كریا پشكنینێ‌ و خەرجیێن دیتر .

تێبینی : رێكخستنا دەفتەرێ‌ بو ئێك گەشت بهایێ‌ (40000)چل هزار دینارێن عیراقی، بو ماوێ‌ شەش هەیڤان ل دەروازێن سنوری .
سەر پێچیێن دەفتەرا رێدانا ترومبێلا
نویكرنا دەفتەرا رێدانا گەریانا ترومبێلا : -
زێدەكرنا ناڤێ‌ شوفێری د دەفتەرا رێدانا گەریانا ترومبێلا.
گهورینا ناڤێ‌ شوفێری د دەفتەرا رێدانا گەریانا ترومبێلا.
گهورینا ناڤێ‌ دەستەبەری و دگەل رێنمایێن وێ‌.
گهورینا ژمارە و سالناما ترومبێلێ‌ لسەر دەفتەرا رێدانا گەریانا ترومبێلا
گهورینا سالوخەتێن ترومبێلێ‌ لسەر دەفتەرێ‌ و رێنمایێن وێ‌.
هەلوەشاندنا دەفتەرا رێدانا گەریانا ترومبێلێ ، دگەل رێنمایێن وێ‌.
راستڤەكرن و دگەل رێنمایێن راستڤەكرنێ‌.
گــــهـــوریــــن و دگەل رێنمایێن وێ‌.
گهورینا سالوخەتێن ترومبێلێ‌ و دگەل رێنمایێن وێ‌.
بەلگەنامێن پێدڤی
1- نڤێسارا رێڤەبەریا هاتن و چوونێ‌.
2- ئامادەكرنا ترومبێلێ‌.
3- سالناما ترومبێلێ‌ و ئەگەر ترومبێل یا توماركری نەبیت پێدڤی یە مەنافیست هەبیت.
رێنمایێن گورانكاریێن لسەر ترومبێلێ‌ دهێنە كرن
1- ئەگەر ترومبێلێ‌ سالنامە هەبیت یان مەنافێست هەبیت ، پێدڤی یە نڤێسارا رێڤەبەریا هاتن وچوونێ‌ دگەل دابیت بو دیاركرنا جورێ‌ گورانكاریێ‌.
2- ڤەدیتن دێ‌ لسەر ترومبێلێ‌ هێنەكرن ژ بو دیاركرنا :
ا- ئەو گورانكاریا لسەر ترومبێلێ‌ هاتیەكرن، ئەگەر كارێ‌ خومالی بیت بو نمونە (بودی – تانكەر – قەلاب )و بەلگەنامێن ئاسنگەریێ‌ هەبن (باجێ‌ گومركی ×5% ×2% ) دێ‌ هێتە وەرگرتن.
ب- ئەو گورانكاری ئەگەر كارێ‌ بیانی بیت پێدڤی یە مەنافیست هەبیت و بتنێ‌ كریا پشكنینێ‌ دێ‌ هێتە وەرگرتن و ئەگەر نە ، بو هەر گورانكاریەكێ‌ دێ‌ باجێ‌ گومركی هێتە وەرگرتن و دێ‌ سوزەكێ‌ ل بەشێ‌ یاسایێ‌ واژوكەت.
ج- بو گهورینا رەنگێ‌ ترومبێلێ‌ یان عەرەبانێ‌ دێ‌ سزایێ‌ گومركی هێتە وەرگرتن دگەل كریا پشكنینێ‌.
وەرگرتنا رەسم و باجێن گومركی

بو ناڤ هەرێمێ‌

1.كەل و پەل و كالا و كەرستە:-
2.ترومبێلێن سالون ئستشن و پاصی(19) نەفەری بوخوارێ‌ و بارهەلگەرێن تاكو سێ‌ تەن:-
3.ترومبێلێن بارهەلگر ژ چار تەن و بو سەرەوە:-
4.ئامیرێن بناسازی و گشتوكالی :-
5.عەرەبانە هەموو جورێك:-
6.ماتور سیكل:-
وەرگرتنا رەسم و باجێن گومركی

بو دەرڤەی هەرێمێ‌

‌ كەرەستێن خومالی:-
1.بەرهەمێن پیشەسازی یێن كارگەهێن هەرێمێ‌ ئەگەر مولەتێن هەناردەكرنێ‌ یێن وەزارەتا پیشەسازی هەبن و هێما و لوگویێن خو هەبن وتەنها دێ‌ كریا پشكنینێ‌ و خەرجەمەنیێن دی هێتە وەرگرتن لدەمێ‌ هەناردەكرنێ‌ .
2.بەرهەمێن كشتوكالی یێن چێنراو و سروشتی یێن ناڤخویا هەرێمێ‌ وەكی ( گڤارك و دومبەلان و گیایێن خورسك ب هەمی جوران ڤە) تەنها دێ‌ كریا پشكنینێ‌ و خەرجەمەنیێن دی هێتە وەرگرتن لدەمێ‌ هەناردەكرنێ‌ و پێتڤی ب مولەتا هەناردەكرنا بازرگانیێ‌ نینە.
3.بەرهەمێن كشتوكالی و پەلەوەر و ئاژەلی یێن ناڤخویا هەرێمێ‌ لدەمێ‌ هەناردەكرنا وان پێتڤی ب رازەمەندیا سەروكێ‌ ئیدارەیا وێ‌ دەڤەرێ‌ هەیە ئەول لێ‌ دچیتە دەرڤە ب هەماهەنگی دگەل رێڤەبەریا چاندنا وێ‌ دەڤەرێ‌ و لایەنێن پەوەندیدار . دێ‌ كریا پشكنینێ‌ و خەرجەمەنیێن دی هێتە وەرگرتن
4.مەرو مالات و رەشە ولاخ و پەلەوەرێن زیندی ل دەمێ‌ هەناردەكرنا وان بو دەرڤەی هەریمێ‌ پێتڤی ب رازەمەندیا لا یەنێن پەیوەندی دار هەیە و بەرچاڤ وەرگرتنا رێنمایێن ڤیتەرنەری . دێ‌ كریا پشكنینێ‌ و خەرجەمەنیێن دی هێتە وەرگرتن.
كەرەستێن بیانی
1.هەركەرستەكێ‌ سەرەتایێن هاتنێ‌ هەبن و درەسەن بن یێن گومركێن هەریمێ‌ بن ئەگەر یێن گومرگێن عێراقێ‌ بن دێ‌ بەراوەردی دگەل پێناسە و رێنمایێن هەرێمێ‌ هێتە كرن و پێتڤی ب رازەمەندی و مولەتێن لا یەنێن پەوەندیدار هەیە و لدیف ڤان خالێن خارێ‌ دێ‌ رەفتار دگەل هێتە كرن.
2.كەرستێن بەخشراو یێن لێ‌ بورین لسەر دەمێ‌ هاتنێ‌ . هەركەرستەكێ‌ لدەمێ‌ هاتنێ‌ یێ‌ بەخشراو بیت ژ رە سمێ‌ گومركی ل دەمێ‌ هەناردەكرنا وان بو دەرڤەی هەرێمێ‌ پێتڤی ب رازەمەندی و مولەتێن لا یەنێن پەوەندیدار هەیە و لدیف ڤان خالێن خارێ‌ دێ‌ رەفتار دگەل هێتە كرن.
3.كانزاو كەرستە و بابەتێن دهێنە هنارتن بو دەرڤە لدیف ڤان خالێن خارێ‌ دێ‌ رەفتار دگەل هێتە كرن:
4.ترومبێل و ئامیرێن دچنە دەرڤەی هەرێمێ‌ ب ئێك چاری و لدویف ڤان خالان دێ‌ رەفتارێ‌ دگەل هێتەكرن :-
A.ئەگەر ترومبێل و ئامیر یا توماركری بیت پێتڤی یە رازەمەندیا رێڤەبەریێن هاتن و چوونێ‌ هەبن و رازەمەندیا رێڤەبەریا گشتی گومركی ژی هەبیت.
B.ئەگەر ترومبێل مودێلێن رێكە پێدانی بیت دێ‌ برێژا (2%)ژ بهایێ‌ پێناسا گومركی هێتە وەرگرتن.
C.ئەگەر مودێل خوارەی مودێلی رێكە پێدایە دێ‌ ترومبێل دێ‌ هێتە خەملاندن و برێژا (2%) ژ بهایێ‌ خەملاندی هێتە وەرگرتن.
D.دێ‌ سالنامە و تابلویێن ژمارا ژلایێ‌ گومركا سنوری ڤە هێنە وەرگرتن بو رێڤەبەریا هاتن و چوونا لێ‌ توماركری هێنە وەرگرتن.
E.ترومبێل و ئامیرێن هاتینە ناڤ هەرێمێ‌ و ژمارە كاتی نە و نەهاتیە توماركرن خودان دفێت بێك جاری ببەتە دەرڤەی هەرێمێ‌ تا كو ماوێ‌ دوو هەیڤان تەنها دێ‌ رەسمێ‌ گومركی برێژا (2%) ژ بهایێ‌ ناڤ پێناسا گومركی هێنە وەرگرتن.و پێتڤی رازەمەندیا رێڤەبەریا گشتی گومرك هەیە و پشتی ڤی ماوەی ئانكو دوو هەیڤان دێ‌ بو هەر هەیڤەكێ‌ كوژمێ‌ (100.000) سەد هزار دینار وەك سزا دێ‌ هێتە وەرگرتن.
دانا سزایێن گومركی ب (قست) و دگەل رێنمایێن وێ‌.
توماركرنا ترومبێلێن لسەرئێك زێدەكرنا ئاشكەرا هاتینە فروتن و دگەل رێنمایێن وێ‌.
بەلكەنامێن پێدڤی
1-رەزامەندیا فروتنا ترومبێلا.
2-كونوسێ‌ لیژنا فروتنا ترومبێلا.
3-ئامادەكرنا ترومبێلێ‌ ژ بو ڤەدیتن لسەر بهێتەكرن.
4-ناسناما باری شارستانی یان كەسایەتیا كەسێ‌ ترومبێل بو دكەڤیت.
رێنمایێن توماركرنا ترومبێلێن لسەرئێك زێدەكرنا ئاشكەرا
1-پشتی بهایێ‌ ترومبێلێ‌ ژلایێ‌ لژنا بهادانانێ‌ ڤە دهێتە دەست نیشان كرن لیژنا فروتنێ‌ یا پێگێرە هەمی رێنمایێن فروتنێ‌ و پێزانینێن ترومبێلێ‌ بو پشكداران رون بكەت.
2-گوژمێ‌ (5000) پێنچ هزار دینار دهێنە وەرگرتن بو پشكداریا هەر كەسەكی د سەرئێك زێدەكرنێ‌ دا ونا هێنە ڤەگەراندن.
3-رێژەیا 2% ژ بهایێ‌ ترومبێل بێ‌ هاتیە فروتن د سەرئێك زێدەكرنێ‌ دا وەك پاداشت دهێتە وەرگرتن بو لیژنا فروتنێ‌ وبها دانانێ‌.
4-كریا ئاگەهداریێ‌ لسەر وی كەسی یە یێ‌ لسەرئێك زێدەكرنا ئاشكەرا بو دكەڤیت.
5-پشتی ترومبێل دهێتە فروتن رێژەیا 20% ژبهایێ‌ ترومبێلێ‌ وەك دابین دهێتە وەرگرتن تا بدوماهیك هاتنا ماوێ‌ یاسایی كە دبیتە (7) روژ ، و بو رێڤەبەریێ‌ هەیە د ڤی ماوێ‌ یاسایی دا ترومبێلێ‌ بدەتە هەركەسێ‌ بهایەكێ‌ زێدەتربێ‌ بدەت.
6-پشتی بورینا (7) روژا كوژمێ‌ مایی ژبهایێ‌ ترومبێلێ‌ كە دبیتە 80% دێ‌ هێتە وەرگرتن ل هوبا ژمێریاری بەرامبەر پسولەكا ژمێریاری یا (37أ).
7-كەسێ‌ لسەرئێك زێدەكرن بو دكەڤیت دێ‌ سزایێ‌ گومركی یێ‌ وان كێشێن لسەر ترومبێلێ‌ دەت ئەگەر هەبن .
8-سەرەتایێن ترومبێلا هاتیە فروتن ب نڤێسار دێ‌ بو رێڤەبەریا هاتن و چوونێ‌ هێنە رەوانەكرن .
گیروبوون و بەرزەبوونا نڤێساری و دگەل رێنمایێن وێ‌.
كولانا ژمارا شاسی (پنتە) و دگەل رێنمایێن وێ‌.
بەلگەنامێن پێدڤی
1-ئامادەكرنا ترومبێلێ‌.
2-نڤیسارا رێڤەبەریا هاتن و چوونێ‌.
رێنمایێن كولانا ژمارا شاسیێ‌ ترومبێلێ‌
1-بو كولانا ژمارا شاسیێ‌ هەر ترومبێلەكێ‌ پێدڤی یە ترومبێل ب نڤیسارا رێڤەبەریا هاتن و چوونێ‌ بو رێڤەبەریا مە بهێتە رەوانەكرن.
2-ڤەدیتن دێ‌ لسەر ترومبێلێ‌ هێتەكرن ، و ئەگەر ژمارا شاسی یێ‌ دیارنەبیت و نەهێتە ڤەخاندن دێ‌ بو هوبا یاسایی هێتە رەوانەكرن ژ بو ڤەكولێن لگەل خودانی بهێتەكرن، و سزایێ‌ گومركی دگەل كریا پشكنینێ‌ لدویف رێنمایان دی هێتە وەرگرتن و ژمارەكا گومركێن هەرێمێ‌ دگەل دروشمێ‌ رێڤەبەریا گومركا دهوكێ‌ دێ‌ بو هێتە كولان و ئەگەر دەستكاری تێدا هاتبیتە كرن دێ‌ بیتە كێشەكا گومركی وب هەمان رێك دێ‌ هێتە ب رێڤەبرن.
3-ئەگەر شاسی چاپێ‌ كومپانیێ‌ بیت پشتی ڤەدیتنێ‌ بتنێ‌ سزایێ‌ گومركی و كریا پشكنینێ‌ دێ‌ هێتە وەرگرتن و ژمارەكا گومركێن هەرێمێ‌ دگەل دروشمێ‌ رێڤەبەریا گومركا دهوكێ‌ دێ‌ بو هێتە كولان.
4-ئەگەر عەرەبانە كارێ‌ خومالی بیت دێ‌ هێتە رەوانەكرن بو هوبا یاسایی دا كو راسپاردە بهێتە وەرگرتن و باجێ‌ گومركی بو عەرەبانێ‌ و سزایێ‌ گومركی بو كولانا ژمارا عەرەبانێ‌ دگەل كریا پشكنینێ‌ بهێتە وەرگرتن و ژمارەكا گومركێن هەرێمێ‌ دگەل دروشمێ‌ گومركا دهوك بو بهێتە كولان.
5-ژمارا گومركێن هەرێمێ‌ دهێتە كولان بو ترومبێلێن سالون و یێن بارهەلگر و یێن بەرهەمهێنەر وەك (شەڤەل- بلدوزەر – حەڤارە ..... هتد).
تێبینێ‌ : باجێ‌ گومركی و سزایێ‌ كولانا ژمارا شاسی دگەل كریا پشكنینێ‌ ل كوچكا رێڤەبەریێ‌ دهێنە وەرگرتن و ژمارەك بو دهێتە تەرخانكرن و ب نڤیسارەكا فەرمی دهێنە رەوانەكرن بو لیژنا پنتێ‌ بو ئەنجام دانا كارێ‌ پێدڤی و ب نڤیسار بو رێڤەبەریا هاتن و چوونێ‌ هێنە رەوانەكرن.
توماركرنا ترومبێلا و دگەل رێنمایێن وێ‌.
توماركرنا ترومبێلێن ژمارە بیانی ب بەلگەنامە (سالون-بارهەلگر) و دگەل رێنمایێن وێ‌.
بەلگەنامێن پێدڤی
1-داخازنامەك بو رێڤەبەریێ‌ دهێتە پێشكێش كرن ژ بو وەرگرتنا رەزامەندیا ب رێڤەبرنا مامەلا توماركرنێ‌.
2-ئامادەكرنا مەنافیستێ‌.
3-ئامادەكرنا ترومبێلێ‌ ژ بو ڤەدیتن و توماركرن سالوخەتێن دروست.
4-ئامادەكرنا ناسناما كەسایەتی و پێدڤی یە خو جهێ‌ پارێزگەها دهوكێ‌ بیت.
5-ترومبێل ل سەر ناڤێ‌ خودانێ‌ مامەلێ‌ هێنە توماركرن.
6-ئەگەر ل سەرناڤێ‌ كەسەكێ‌ دیتر بهیتە توماركرن دڤێت رەزامەندیێن پێدڤی هەبن.
رێنمایێن توماركرنا ترومبێلێن بیانی ب بەلگەنامە .
1-خودانێ‌ ترومبێلێ‌ دێ‌ سوزنامەكێ‌ واژوكەت بو نەبونا ئاریشێن یاسایی لسەر ترومبێلێ‌.
2-بتنێ‌ ترومبێلێن سالون و بارهەلگر ژ مودێلا سالا (2000 تا دوماهیك سێ‌ مودێل ) دهێنە توماركرن و پێتڤی یە بەری بەروارا 1/5/2017 هاتبیتە دناڤ هەرێمێ‌ دا و هەر سێ‌ مودێلێن دوماهیێ‌ ناهێنە توماركرن
3-ئەگەر ترومبێل پشتی بەروارا (1/5/2017) ژ هەرێمێ‌ دەركەڤیت پێدڤی د ماوێ‌ (7) روژان بهێتە ڤەگەراندن و ئەگەر نە ناهێتە توماركرن.
4-ترومبێلین بیناسازی و یێن گشتوكالی ناهێنە توماركرن لدویف رێنمایان.
5-باجێ‌ گومركی دێ‌ هێتە وەرگرتن لدویف رێنمایان دگەل كریا پشكنینێ‌ و خەرجیێن كارگێری و سزایێ‌ گیروبونێ‌ دهێتە وەرگرتن بو هەر روژەكێ‌ (3000) دینار ب مەرجەكی ژ (540000) دینارا زێدەتر نەبیت.
6-پشتی بدوماهیك هاتنا مامەلێ‌ نڤیسارەك بو رێڤەبەریا هاتن و چوونێ‌ دهێتە ئاراستەكرن بو توماركرنا ترومبێلێ‌.
توماركرنا ترومبێلێن بێ‌ بەلگەنامە و دگەل رێنمایێن وێ‌.
بەلگەنامێن پێدڤی
1-داخازنامەك بهێتە پێشكێش كرن ژ بو رەزامەندیا توماركرنێ‌.
2- ئامادەكرنا ترومبێلێ‌ ژ بو ڤەدیتن لسەر بهێتە كرن و پێدڤی یە ب نڤیسار ژ رێڤەبەریا هاتن و چوونێ‌ بو رێڤەبەریا مە بهێتە رەوانەكرن و دنڤیسارێ‌ دا بهێتە دیاركرن كە ئەڤ ترومبێلە ل چ رێڤەبەریێن دیتر یێن هاتن و چوونێ‌ نەهاتیە توماركرن.
3-ئامادەكرنا ناسناما كەسایەتی یا كەسێ‌ ترومبێل لسەر ناڤێ‌ وی دهێتە توماركرن.
رێنمایێن توماركرنێ‌
1-ترومبێلێن سالون و بارهەلگر یێن دسەر مودیلا سالا (2000) ێ‌ دا دهێنە توماركرن تا دوماهیك سێ‌ مودێل و ئەو هەر سێ‌ مودێلێن دوماهیێ‌ نا هێنە تەماركرن.
2-خودانێ‌ ترومبێلێ‌ پێدڤی یە سوزنامەكێ‌ واژوبكەت بو نەبونا ئاریشێن یاسایێ‌ لسەر ترومبێلێ‌.
3-باجێ‌ گومركی دێ‌ هێتە وەرگرتن لدویف رێنمایان زێدەباری كریا پشكنینێ‌ و خەرجیێن كارگێری .
4-پشتی بدوماهیك هاتنا مامەلێ‌ نڤیسارەك بو رێڤەبەریا هاتن و چوونێ‌ دهێتە ئاراستەكرن بو توماركرنا ترومبێلێ‌.
راستی و دروستیا سەرەتایان (صحە صدور) و دگەل رێنمایێن وێ‌.
ڤەدیتنێن جوراوجور و دگەل رێنمایێن وێ‌.
رێنمایێن هنارتنێ‌ كەرەستان ب هەر ئەگەرەكێ‌ بو دەرڤەی هەرێمێ‌
ڤەدیتنێن جوراوجور و دگەل رێنمایێن وێ‌.
رێنمایێن هنارتنێ‌ كەرەستان ب هەر ئەگەرەكێ‌ بو دەرڤەی هەرێمێ‌.
ڤەدیتنا كوگەها و دگەل رێنمایێن وێ‌.
ڤەدیتنێن گشتی و دگەل رێنمایێن وێ‌.
كێشێن گومركی و دگەل رێنمایێن وێ‌.
بەلگەنامێن پێدڤی:-
أ- ئەگەر ژ لایێ‌ فەرمانبەرێن گومركی ڤە هاتە دەستەسەركرن پێدڤی یە ئەڤــ بەلگەنامە هەبن:-
1-كونوسێ‌ دەستەسەركرنێ‌ و جور و چەندیا كەرەستەی تێدا بهێتە دیاركرن.
2-ترومبێل ب بارڤە دهێتە دەستەسەركرن.
3-ئامادەبوونا خودانێ‌ كەرەستە و كەل وپەلا دگەل فەرمانبەری ل هەمبەر هوبا یاسایێ‌ ژ بو ئەنجام دانا ڤەكولینێ‌.
ب- ئەگەر ژ لایێ‌ لایەنەكێ‌ دیتر هاتە دەستەسەركرن وە ك (ئاسایش – پولیس ....هتد) ئەڤ بەلگەنامە د پێدڤی نە :-
1-پێدڤی یە ترومبێل ب بارڤە ب نڤیسار بو گومركی بهێتە رەوانەكرن.
2-ترومبیل دگەل كەل و پەلا دێ‌ هێتە دەستەسەركرن تا بدوماهیك هاتنا پێرابونێن گومركی.
3-ئامادەبوونا خودانێ‌ كەل و پەلا ل هەمبەر هوبا یاسایی ژ بو ئەنجام دانا ڤەكولینێ‌.
تاوانێن گومركی لدویف بەندێ‌ 194 ژ یاسایا گومركی یا عیراقێ یا‌ ژمارە 23 یاسالا 1984 یا راستڤەكری.
1- كەرەستێ‌ قەدەغەكری و یێ‌ راگرتی و یێ‌ سنورداركری : كەرەستەیێن قەدەغەكری و یێن دەست نیشانكری وەك (ماددەیێن بێ‌ هوشكەر ، اثار (كەرەستێن شینواری بیت)، زرنیخ ، هتد) ئەڤ كەرەستە دێ‌ هێنە دەستەسەركرن و ب هێچ شێوەكی ناهێنە ڤەگەراندن و هەروەسا گونەهبار دێ‌ هێتە سزادان لدویف بەندێن یاسایی یێن گومركی. یاسایا سزادانێ‌ ب ڤی شێوەیە (بها * 6 ) دگەل دەستەسەركرنا كەرەستەی.
2- كەرەستەیێ‌ قەدەغەكری و سنورداركری و راگرتی : هەر كەرەستەیەك هاتبیتە قەدەغەكرن ژ هەر ئەگەرەكی بیت چ ئەگەرێ‌ (ئابوری ، سیاسی،چڤاكی )بیت گونەهبار دێ‌ هێتە سزادان لدویف یاسایا گومركی (3) جارا هندی با ج و بهایی و دگەل ڤەگەراندنا كەرەستەی ب هەمبەر بهایی. یاسایا سزادانێ‌ ب ڤی شێوەیە (باج + بها).
3- كەرەستەیێن ملكەچ بو باجێ‌ گومركی : كەل و پەلێن باجا گومركی ل سەر بهێتە وەرگرتن ئەگەر سەرپێچی كربن دێ‌ هێتە سزادان ب (4) جاران هندی باجا گومركی ب مەرجەكی ژ بهایی كەمتر نەبیت دێ‌ كەرەستە هێتە ڤەگەراندن هەمبەر بهایی. یاسایا سزادانێ‌ ب ڤی شێوەیە (باچ * 4) مەرجەكە ژ بهایێ‌ كەرەستەی كەمترنەبیت.
4- كەرەستەیێن لێ‌ بەخشراو ژ باجێ‌ گومركی : كەرەستەیێن دەستەسەركری (25%) ژ بهایی دێ‌ ژ خودانێ‌ كەرەستەی هێتە وەرگرتن وەك سزایێ‌ گومركی دگەل كەرەستە دێ‌ هێتە ڤەگەراندن ب هەمبەر بهایی. یاسایا سزادانێ‌ ب ڤی شێوەیە (25% ژ بهایێ‌ كەرەستەی) + ڤەگەراندنا كەرەستەی هەمبەر بهایی .
5-دەستهەلاتا رێڤەبەریا گومركا دهوك تا (25,000,000) بیست وپێنچ ملیون دینارایە و ئەگەر بهایێ‌ كەل وپەلان ژ (25,000,000) دینارا زێدەتربیت ئەو كێشە دێ‌ بو دادگەها گومركێن دهوكێ‌ هێتە رەوانەكرن.
وێنێن سیستەمێ‌ (PHP) یێ‌ سەردەمیانە بو برێڤەبرنا مامەلان ب شێوەكێ‌ بلەز و كمترین دەم.

رێڤەبەریا گومركا پارێزگەها دهوك

© 2023 Copyright: duhok-customs

Design Computer Department