رێڤەبەریا گومركا دهوك فەرمانگەهەکا میری یە
و یا کار گوزاری یە و یا باج وەرگرە
کارێ چاڤدێریا بزاڤا بازرگانی ئەنجام ددە.
كورتیەك لسەر دامەزراندنا رێڤەبەریا گومركا دهوك
جێگیریا گومركا دهوك بەری سەرهلدانا سالا 1991 ل پارێزگەهـ هاتبو دامەزراندن
چالاكیێن وێ دسنوردار كری بون وبتنێ دویف چوونا رەڤاندنێ دكر
ب سەر دەستەیا گومركێن عیراقێ ڤە بو
پشتی سەرهلدانێ ئەف فەرمانگەهە ل 1/10/1991 دیسان هاتە ڤەكرن ودەست بكاربو
ب هەمان ناڤ لێ سەر ب رێڤەبەریا گومركا ئیبراهیم خەلیل ڤە
كارێ وێ سەرپەرشتیاخالا گومركا ئالوكابو
ول دەسپێكا سالا 1993 ول دویف بریارا وەزارەتا دارایی وئابوری
جێگریا گومركا دهوكێ بویە رێڤەبەریا گومركا دهوكێ وسەر ب وەزارەتا ناڤبری ڤە
وزێدە باری خالا گومركا ئالوكا ( شەش ) خالێن دیتر هاتنە ڤەكرن
ل دەروازێن سنورێ كارگێریا پارێزگەها دهوكێ دگەل پارێزگەهێن دیتر یێن عیراقی
ژبۆ چاڤدێری وسەرپەرشتی كرنا بزاڤێن بازرگانی وكارێن گومركی
ول ڤان دەڤەرا هاتبونــــــــە ڤەكرن :- (دەڤەرا خراب دێمی – دەڤەرا خانكێ – دەڤەرا باعەدرێ - دەڤەرا ئەتروش - دەڤەرا بێسرێ – دەڤەرا بالندا )
بتنێ خالا دەوازێ بالندا بۆ چاڤدێریا بازرگانیێ بۆ سنورێ تركیا بو
وپشتی ژناڤ چوونا رژێما بەعس ل سالا (2003) ئەف خالە هاتنە هەلوەشاندن
لێ خالا ئالوكا دووبارە هاتە ڤەكرن
ژبەر بارێ ئالوز یێ ئاسایشا پارێزگەهێن عیراقی
وكارێن تیرورێ ولاوازیا كونترول كرنا سنورێن عیراقێ
وپشتی هەلوەشاندنا رێڤەبەریا گومركا ئاكرێ
ل سالا(2014) خالا گومركا مەندان دگەل هژمارەكا فەرمانبەران هاتنە ڤەگوهاستن
رێڤەبەریا گومركا دهوك هەر ژ دەسپێكا دامەزراندنێ تا ئەفرو
یا كارا وكاریگەر بویە بۆ پاراستنا ساخلەمی و بەرژەوەندیێن هاولاتیان
وگەنجینا هەرێمێ وچەندێن قوناغێن پێشكەفتنێ بخوڤە دیتینە
دبوارێ بكارئینانا تەكنەلوجیا یێ دا بو ئاسان كرنا كارێن گومركی
وشیایە جهێ خو دناڤــ فەرمانگەهێن پیشكەنگ یێن پارێزگەها دهوكێ دا بكەت
و پەیوەندیێن باش دگەل هەمی رێڤەبەریێن دیتر یێن هەڤپشك
دگەل كارێن گومركی دروست بكەت ,
وتانها بەردەوام بزاڤێن پێشكەفتنێ و گەشەپێدانێ دبوارێن كارێن خودا دكەت .