نڤیسینگەها گومركا ئالوكا

نڤیسینگەهەكا گومركى یە سەر ب رێڤەبەریا گومركا دهوكێ ڤەیە ل دەروازەیا ئالوكا هاتیە دانان ، هەر چەندە ئەف دەروازە لسەر سنورێ كارگێرى یا پارێزگەها دهوكێ نەهاتیە دانان لێ ژ ئەگەرێ كاودانێن رامیاریا عیراقێ و نەئارامیا سەقامگێریێ ل پارێزگەهێن دیتر یێن عیراقێ وژبو كونترول كرنا بزاڤا بازرگانى و پاراستنا سەقامگێریا پارێزگەها دهوكێ ئەڤ دەروازە هاتیە دەست نیشان كرن و نڤیسینگەها گومركا ئالوكا دگەل زالگەها ئالوكا و نڤیسینگەهێن رێڤەبەریێن پەیوەندیدار ل نڤیسینگەها ئالوكا كریارێن گومركى دهێنە ئەنجام دان ژ هەمى ئالیاتە و رێكخستنا بزاڤا بازرگانى ب رێكا كریارێن پشكنینێ و نەهێلانا هاتنا كەرەستە و كەل و پەلێن قەدەغەكرى و وەرگرتنا باجێ گەمركى ل گورەى پێناسا گومركى و رێنمایێن كارى و هژمارا فەرمانبەرێن ل نڤیسینگەها گومركا ئالوكا كاردكەن (35) فەرمانبەرن ە لسەر (3) سێ پوستان هاتینە دابەشكرن و كارێ وان ب شەڤ و روژ یێ بەردەوامە و ئەڤان كارێن سەرەكى یێن ل خارێ دیاركرى ئەنجام ددەن :-

1-جێ بەجێكرنا رێنمایێن وەزارەتا دارایى و ئابورى و یێن پارێزگەهێ و یێن رێڤەبەریا گومركا دهوكێ.

2-پشكدارى كرن و كومكرنا داهاتێ گەنجینا حكومەتا هەرێمێ دا ب رێكا وەرگرتنا باجێن گومركى لدویف یاسا پێناسا گومركى و رێنمایێن كارى.

3-هەفكارى دگەل دەزگایێن ئارامیێ و سەقامگێریێ ل زالگەها ب رێكا پشكنین كرنا ترومبێلێن بارهەگر و دەستەسەركرنا هەمى جورێن كەل وپەلێن قەدەغەكرى.

4-پشكنین كرنا هەمى جورێن كالایى بازرگانى ژبو وەك ئێك كرنا وان دگەل فورما راگەهاندنا گومركى و پشت راست بوونا ژ دروستیا باجێ هاتیە وەرگرتن و رێكخستنا بزاڤا بازرگانى و نەهێلانا رەڤاندنا كەرەستێن قەدەغەكرى.

5-هاریكاریا هەمى فەرمانگەهێن دیتر دكەت یێن ل زالگەها ئالوكا كاردكەن ب رێكا رەوانەكرنا هەمى كەرەستە و كەل و پەلێن ملكەج بوَ تاقیگەهێن پەیوەندیدار وەك (تاقیگەها ساخلەمیێ و بیناسازى و فیتێرنەرى ... هتد).

6-پشكدارى كرن د لژنێن ژ ناڤبرنا كەرەستێن ماوێ بكارئینانا وان بدوماهى هاتى و یێن نە لدویف ساخلەتێن پێدڤى.