به‌شێ‌ كارگێری

كارگێری كریاره‌كا نه‌خشه‌یی یا به‌رده‌وامه‌ ژ بو ئاراسته‌كرنا كومه‌كا فه‌رمانبه‌ران به‌ره‌ڤ ئارمانجه‌كا هه‌ڤپشك ، و هه‌ماهه‌نگی و رێكخستنا هێزا وان بو گه‌هشتنا ئارمانجا دیاركری.

به‌شێ‌ كارگێری ل رێڤه‌به‌ریا گومركا دهوكێ‌ سسته‌مێ‌ كاركرنێ‌ دابه‌ شكریه‌ لدویف پیشه‌یی یا كاری كو ب نویترین سسته‌م كاربكه‌ت و هه‌ر فه‌رمانبه‌ره‌ك ب هه‌می رامانا خو ب به‌رپرسیار بزانیت به‌رامبه‌ر وی كارێ‌ بێ‌ هاتیه‌ راسپاردن.

به‌شێ‌ كارگێری (7) هوبا بخوڤه‌دگریت و ب هژمارا (20) فه‌رمانبه‌ران لدویف راپورتا په‌سنا ڤەرمانبەریێ‌ ئه‌ڤان كارێن ل خارێ‌ ئه‌نجام ددت ، زێده‌باری سه‌رپه‌رشتیا كارێ ‌(11) فه‌رمانبه‌رێن خزمه‌ت گوزاری.

1- هوبا خویه‌تی : خویه‌تی زانسته‌كه‌ لدور په‌یوه‌ندیێن كه‌سایه‌تی و یێن گشتی د ناڤبه‌را كارگێریێ‌ و فه‌رمانبه‌ر و كارمه‌ندێن ل فه‌رمانگه‌هێ‌ كاردكه‌ن ، و دیاركرنا مافێن وان و ئه‌ركێن بێ‌ هاتینه‌ راسپاردن. و كارێن خویه‌تی یێن سه‌ره‌كی ئه‌ڤێن ل خارێ‌ نه‌ :

أ- په‌سنا گشتی بو هه‌می كارمه‌ندو كارێن فه‌رمانگه‌هێ‌.

ب- هه‌لبژارتنا فه‌رمانبه‌رێن دهێنه‌ دامه‌زراندن لدویف مه‌رچ و نیشاندانیت فه‌رمانگه‌هێ‌.

ت- مه‌شقدانا كارمه‌ندێن فه‌رمانگه‌هێ‌ و ڤه‌كرنا خولێن تایبه‌ت بو ب هێزكرنا زانیاری و شیانێن كاری.

ث- دابین كرنا سه‌رچاوێن هێزا كاری ل فه‌رمانگه‌هێ‌ ب رێكا دامه‌زراندنا فه‌رمانبه‌ران یان ڤه‌گوهاستنا وان.

ج- هه‌لسه‌نگاندنا شیانێن فه‌رمانبه‌ران ب رێكا سسته‌مه‌كێ‌ تایبه‌ت بو دیاركرنا هێزا كاری هه‌ر فه‌رمانبه‌ره‌كی بو راسپاردنا ئه‌رك و به‌رپرسیاره‌تی.

ح- رێككاریا ڤەرمانبەران لدویف (یاسا رێككاریا فه‌رمانبه‌رێن ده‌وله‌تێ‌)(قانون انضباط موظفى الدولة) یا ده‌ست نیشان كرنا سزایان بو هه‌ر سه‌ربێجیه‌كێ‌.

خ- دیاركرنا مووچێ‌ فه‌رمانبه‌ران لدویف یاسا مووچێن فه‌رمانبه‌ران یا ژماره)(22) یا سالا (2008) ‌ێ و باوه‌رنامه‌ و پسبوریا وان و بێدانا سه‌رمووچه‌ و پله‌ به‌رزكرنا وان لدویف مه‌رجێن كاربێ‌ دهێته‌ كرن.

د- دیاركرنا ده‌م ژمێرێن كاری.

هه‌روه‌سا هوبا خویه‌تی هژماره‌كا كارێن كرێدای ب میلاكێ‌ رێڤه‌به‌ریێ‌ ڤه‌ و خزمه‌تا فه‌رمانبه‌ران ڤه‌ ئه‌نجام دده‌ت :

1- ڤه‌كرنا تومارا میلاكێ‌ فه‌رمانگه‌هێ‌ و دیاركرنا میلاك و پسبوریێن زێده‌ و پلێن دامه‌زراندنێ‌.

2- بێدانا پله‌ به‌رزكرن و سه‌رمووچێن سالانه‌.

3- بێدانا موله‌تێن ئاسایی ب مووچه‌ ته‌واو لدویف پاشماوێ‌ موله‌تێن (رصید) فه‌رمانبه‌ران.

4- شاندنا فه‌رمانبه‌ران بو ناڤ و ده‌رڤه‌ی وه‌لاتی لدویف بێدڤیێن كاری و هه‌بونا ره‌زامه‌ندیێن فه‌رمی.

5- خانه‌نشین كرنا فه‌رمانبه‌ران لدویف یاسا خانه‌نشینێ‌ یان ب ئه‌گه‌رێن ساخله‌میێ‌.

2- هوبا چابێ‌ : كارێ‌ هوبێ‌ یێ‌ سه‌ره‌كی چاب كرنا هه‌می نڤیسارێن فه‌رمی یێن ژ لایێ‌ كارگێریا رێڤه‌به‌ریێ‌ ڤه‌ دهێته‌ ئاراسته‌كرن ویێن به‌رسڤدانا دام و ده‌زگه‌هێن میری و یێن دیتر وب به‌رنامه‌كێ‌ كومبیوته‌ری یێ‌ تایبه‌ت ، و هه‌روه‌سا‌ پرانیا نڤیسارێن بو رێڤه‌به‌ریا مه‌ دهێنه‌ ئاراسته‌كرن وێنه‌یه‌ك ژی دهێنه‌ (سكانه‌ر) كرن دبه‌رنامه‌ی دا دهێته‌ پاراستن، و زێده‌باری چابكرنا هه‌ركاره‌كێ‌ دیتربێ‌ بهێنه‌ راسپاردن.

3- هوبا دوسیه‌كان : هوبه‌كا تایبه‌ته‌ بو پاراستنا دوسیێن كه‌سایه‌تی یێن هه‌می فه‌رمانبه‌ران و بشێوه‌یه‌كێ‌ رێكخستی و نمونه‌ و ئه‌ف كریاره‌ هه‌می فه‌رمانبه‌ران بخوڤه‌ دگریت یێن میلاكێ‌ ئاماده‌ ویێن ژ میلاكێ‌ هاتینه‌ ده‌ركرن ب هه‌ر ئه‌گه‌ره‌كی. و هه‌روه‌سا رادبیت ب پاراستنا دوسیێن تایبه‌ت ب كارێن كارگێریێ‌ ڤه‌.

4- هوبا هنارتنێ‌ : كارێ‌ هوبێ‌ دگه‌ل تومارا هنارتنێ‌ یه‌ و نڤیسارێن ژ هه‌می به‌شان ده‌ردچن دهێنه‌ توماركرن و ژماركرن و هه‌ردانه‌یه‌ك بو جهێ‌ ده‌ست نیشانكری دهێته‌ هنارتن، و هه‌یڤان پوخته‌یی كاری ب راپورته‌كی بو به‌شی دهێته‌ ئاراسته‌كرن.

5- هوبا ئه‌رشیفی : كارێ‌ هوبێ‌ پاراستنا ئه‌رشیفێ‌ رێڤه‌به‌ریێ‌ یه‌ و رێكخستنا وی ب شێوه‌یه‌كی زانستیانه‌ و بو ئه‌رشیفێ‌ هه‌ربه‌شه‌ك جهه‌كێ‌ تایبه‌ت هاتیه‌ ده‌ست نیشانكرن و هه‌می ل ژێر ناڤێ‌ ئه‌رشیڤی رێڤه‌به‌ریێ‌ دهێنه‌ پاراستن و هه‌می بێدڤێین ئه‌رشیف كرنێ‌ ژلایێ‌ رێڤه‌به‌ریێ‌ ڤه‌ بو هاتینه‌ دابین كرن ژ بو ب زوترین ده‌م وب باشترین شێوه‌ یا بێتڤی ژ ئه‌رشیڤی بهێته‌ ئه‌نجام دان.

6- هوبا پرسگه‌هێ‌ : ب به‌رنامه‌كێ‌ كومبیوته‌ری كاردكه‌ت و ده‌مێ‌ هاتنا هه‌ر مامه‌له‌كێ‌ بو رێڤه‌به‌ریێ‌ دهێته‌ توماركرن و مامه‌له‌ دهێته‌ زنجیره‌كرن و بشتی بێزانینێن مامه‌لێ‌ هه‌می دهێنه‌ توماركرن ئێكسه‌ر مێژوو و ده‌م دێ‌ بو مامه‌لێ‌ هێنه‌ هژمارتن ،و ئه‌ف به‌رنامه‌ ده‌مێ‌ ب رێڤه‌برنا هه‌ر مامه‌له‌كێ‌ دیاردكه‌ت و هه‌روه‌سا ئه‌گه‌رێن نه‌ برێڤه‌نه‌برنی ژی دیاردكه‌ت و رێڤه‌به‌ر ل جهێ‌ خو یێ‌ تایبه‌ت دویف جوونێ‌ ل هه‌می مامه‌لا دكه‌ت و هه‌ژی كوتنێ‌ یه‌ ئه‌ف به‌رنامه‌ كومه‌كا راپورتان به‌رهه‌ف دكه‌ت و مڤا ژی دهێته‌ وه‌رگرتن لدویف بێدڤیا كاری.
ل هوبا پرسگه‌هێ هه‌می به‌لكه‌نامێن بێتڤی بو ب رێڤه‌برنا هه‌ر مامه‌له‌كێ‌ دهێنه‌ دیاركرن ، و سه‌ره‌ دانكه‌ران لدویف جورێ‌ مامه‌لێ‌ ره‌وانه‌ی به‌شێن په‌یوه‌ندیدار دكه‌ت .

7- كارێ‌ رێكخستنا سه‌ره‌دانێن كه‌سایه‌تی دكه‌ت و كونترولا ئینانا چه‌كی و موبایلا بو ناف كوچكا رێڤه‌به‌ریێ‌ دكه‌ت .

8- هوبا خزمه‌ت گوزاری : كارێ‌ سه‌ره‌كی یێ‌ هوبێ‌ جاڤدێریا باقژیا رێڤه‌به‌ریی یه‌ و بشێوه‌یه‌كێ‌ رێكخستی و لدویف په‌رژه‌وه‌ندیا كاری ئه‌ركێ‌ هه‌ر فه‌رمانبه‌ره‌كێ‌ خزمه‌ت گوزاری دهێته‌ ده‌ست نیشان كرن و هه‌روه‌سا چافدێریا باغجێن رێڤه‌به‌ریێ‌ و خالێن گومركی دكه‌ت ول ژێر سه‌رپه‌رشتیا به‌شێ‌ كاگێری . ژ بو‌ په‌یداكرنا ژینگه‌هه‌كا گونجای بو فه‌رمانبه‌ران و سه‌ره‌دانكه‌ران و دیاركرنا رویه‌كێ‌ شارستانی بو رێڤه‌به‌ریێ‌.