ئیدیەمێن گومركی یێن گرنك

1- كارگێریا گومركی    : دەستەیا گومركی و فەرمانگەهێن وێ‌.

2- فەرمانگەها گومركی : فەرمانگەهەكا گومركی یا جێ‌ بەجیكارە وسەر ب رێڤەبەریا گشتی گومرك ڤەیە یان ئەو جهە یێ‌ دەستهەلات پێ‌ دای.

3- پێناسا گومركی       : ئەو خشتەیە یێ‌ ناڤێ‌ كالای بخوڤە دگریت وتێكرایێ‌ باجێ‌ گومركی یێ‌ بریار لسەر هاتیە دان ورێنما و تیبینی تێدا هاتین.

4- حەرەمێ‌ گومركی     : ناوچەیەكە ژلایێ‌ كارگێریا گومركی ڤە دهێتە دیاركرن بو ب كارئینانا كارێن گومركی و چاڤدێریا گومركی ل هەمی بەندەرێن دەریایی یان ئاسمانی یان ل هەر جهەكێ‌ دیتر نڤێسینگەهەكا گومركی تێدا هەبیت.

5- راگەهاندنا باری      : (مەنەفیست) لیستەكە تایبەتمەندیا پێكهاتا وان كالایان دیار دكەت یێن د بارهەلگرێ‌ دا هاتینە باركرن.

6- كوگا    : جهەكە یان ئاڤاهی یەكە ژلایێ‌ كارگێریا گومركی ڤە هاتیە دروست كرن یان رەزامەندیا ب كارئینانێ‌ دایە لایەنەكێ‌ دیتر بو هەلگرتنا كالایێن ڤەگوهاستنێ‌ لدویڤ هەر بارودوخەكێ‌ گومركی.

7- ئەمبار  : ئەو جهە یان ئەو ئاڤاهی یەیێ‌ كالا تێدا دهێنە سباردن (عمباركرن) ل ژێر سەرپەرشتیا گومركان دبارودوخەكێ‌ هەلپەسارتی دا هەتا باجێ‌ گومركی دهێتە دان لگورەی بەندێن یاسا گومركی.

8- راگەهاندنا گومركی  : رونكرنەكە ژلایی خودانێ‌ كالای یان نوینەرێ‌ وی ڤە لدویڤ یاسایێ‌ دهێتە پێشكێش كرن تێدا پێكهاتا كالای دیاركریە لدویڤ بەندێن یاسا گومركی و سستەم و بنەمایێن گومركی .

9- كالا (شمەك )      : هەر كەرەستەیەك یان بەرهەمەكێ‌ سروشتی یان یێ‌ ئاژەلی یان یێ‌ چاندنێ‌ یان پیشەسازیە.

10- كالایێ‌ سنوردار    : كالایەكە هاوردەكرن و هنارتنا وی بو دەرڤە یا سنورداركریە بو وان لایەنێن دەستهەلات بو هاتیە دان لدویڤ یاسایێ‌ .

11- كالایێ‌ قەدەغەكری : هەمی كالایێت یاسایی هاوردەكرن و هنارتنا وان قەدەغەكرین لگورەی بەندێن یاسا گومركی یان هەر یاسایەكا دیتر.

12- باج : باجێ‌ گومركی یە ل لدویڤ پێناسا گومركی دهێتە وەرگرتن و یێن دیتر لدویڤ یاسایێن كاری ژلایێ‌ دەزگایێن گومركی ڤە دهێنە وەرگرتن و ب داهات بو گەنجینێ‌ دهێنە توماركرن.