رێڤه‌به‌ر
 

ئه‌و كه‌سه‌ یێ‌ خودان بریار و كه‌سایه‌تیه‌كا ب هێز و جیاواز ب ساخله‌تێن خو یێن فه‌رمانره‌وایی،و یێ‌ به‌رده‌وام كاردكه‌ت بو‌ بجهئینانا ئه‌ركێن فه‌رمانبه‌ریێ‌ و سەركەڤتنا جێ‌ به‌جێكرنا كریارێن كارگێری ب رێكێن زانستی و ئافراندنا ژینگه‌هه‌كا گونجای ویه‌كه‌كا كارگیریا به‌رهه‌مهێنه‌ر و ئێككرتی و بكارئینانا هه‌می خالێن ل به‌رده‌ست ژ توانستی مرویی (الموارد البشریه‌) و په‌یداكرنا هه‌فسه‌نگیێ‌ دنافبه‌را فه‌رمانبه‌ران دا. ویێ‌ شارازابیت بو كارێ‌ بێ‌ هاتیه‌ راسپاردن و بو تێگه‌هشتنا ده‌رونێ‌ هه‌ركه‌سه‌كی، و ل به‌رجاڤ وه‌رگرتنا جیاوازیا ئاستێ‌ زانستی و ره‌وشه‌نبیری دناف فه‌رمانبه‌ران دا، وشیانێن ڤه‌كولینێ‌ بو جاره‌سه‌ركرنا ئاریشا هه‌بن لدویف پێزانینێن لبه‌رده‌ست بو دانا بریارێن هوربین و شیانێن په‌یوه‌ندیكرنێ‌ و گه‌هاندنێ‌ هه‌بن.

كارێ‌ رێڤه‌به‌ری گومركا دهوكێ‌ یێ‌ سه‌ره‌كی : سه‌رپه‌رشتیا راسته‌خو و دویف چوونا هه‌می كارێن ل رێڤه‌به‌ریێ‌ دهێنه‌ ئه‌نجام دان لدویف یاسا و رێنمایان زێده‌باری كارێن ل خارێ‌ دیاركری.

1- دانانا كه‌لواشێ‌ رێكخستنێ‌ لدویف ده‌ستهه‌لاتداری و به‌رپرسیاره‌تیا.

2- جێ‌ به‌ جێكرنا رێنما و یاسایێن گومركی،و سه‌رپه‌رشتی و دوویف چوونا داهات و خه‌رچیێن رێڤه‌به‌ریێ‌.

3- سه‌رپه‌رشتیا راسته‌خو لسه‌ر كارێ‌ هه‌می به‌ش و خالێن رێڤه‌به‌ریێ‌.

4- سه‌رپه‌رشتیا كارێ‌ هه‌می لێژنێن رێڤه‌به‌ریێ‌ دكەت وه‌ك (لیژنا كرینێ‌ _ لیژنا چاككرنێ‌ _ ده‌رماله‌ _ فه‌گوهاستن و دامه‌زراندن......هتد).

5- به‌ستنا كومبونا دگه‌ل فه‌رمانبه‌ران و به‌ربرسێن به‌شان لده‌مێ‌ بێتڤی و لدویف به‌رژه‌وه‌ندیا كاری.

6- واژوكرن و په‌راویزكرنا پوستێ‌ روژانه‌ یێ‌ رێڤه‌به‌ریێ‌ (الصادرە و الواردە‌ ) و هنارتن بو جهێ‌ په‌یوه‌ندیدار .

7- بشكداریكرن دكومبونادا دگه‌ل جهێن دیتر یێن په‌یوه‌ندی بكارێ‌ رێڤه‌به‌ریێ‌ ڤه‌هه‌ی وه‌ك (پارێزكه‌ه _ وه‌زاره‌تا دارایی وئابوری _ رێڤه‌به‌رێن دیتر ......هتد).

8- بشكداریكرن د دانانا پلانا كارێ‌ رێڤه‌به‌ریێ‌ دا، و سه‌رپه‌رشتیا جێ‌ به‌جێكرنا بركه‌ و قوناغێن وێ‌.

9- دانا بریارێ‌ لسه‌ر كێشێن گومركی.

10- هه‌لسه‌نگاندنا به‌ربرسێن به‌شان.

11- دویف چوون لسه‌ر راپورتێن هه‌یڤانه‌ یێن به‌شان بو كه‌شه‌كرنا وان،وزانینا قه‌بارێ‌ كارێ‌ هه‌ر به‌شه‌كی و هه‌رفه‌رمانبه‌ره‌كی.

12- پرانیا كارێن ل به‌شێ‌ كارگێری و ژمێریاری دهێنه‌ ئه‌نجام دان وه‌ك ده‌ستهه‌لاتداریێن رێڤه‌به‌ری دهێنه‌ هژمارتن و زێده‌باری هنده‌ك ده‌ستهه‌لاتداریێن دیتر یێن هونه‌ری و یاسایی.