بەلێ‌ بو رێفراندومێ‌ و دەولەت بوونێ‌

*ناهێتە جاڤەرێكرن ئاستێ‌ رەوشەنبیری و مروڤایەتی یا دەولەتێن دەڤەرێ‌ ب شەڤ و روژەكێ‌ بهێتە گهورین ب رەنگەكی ل ماڤێن یێن دیتر بنێرن.

لەورا.... بەلێ‌ بو دەولەت بوونێ‌.(√)

* پێشبینی ناهێتەكرن قوناغێن پشتی داعش دەلیفە بو كوردان بهێتە دان بو دەستنیشانكرنا چارەنڤیسێ‌ خو ، و دبیت گهورین د بارودوخێ‌ عیراقێ دا بهێنەكرن ژ ئەگەرێ‌ كارتێكرنا دەولەتێن دەرەكی ل سەر حوكمرانیا عیراقێ‌ .

لەورا.... بەلێ‌ بو دەولەت بوونێ‌.(√)

*بو كوردان چ دەلیڤێن باشترو گونجاوتر ناهێنە پێشبینی كرن ل گورەی دورهێلا كومەلایەتی و رەوشەنبیری و مێژوویی و جوگرافی ل عیراقێ‌ و دەولەتێن دیتر یێن كورد ل سەر هاتینە دابەشكرن.

لەورا.... بەلێ‌ بو دەولەت بوونێ‌.(√)

*ئەم ل بەندا چارەكرنا ناكوكیێن حزبێن ناڤخویی نابین ، و رێككەفتن دناڤبەرا وان دا ناهێتەكرن و بوچوونێن یێن جودا ناهێنە چارەكرن.

لەورا.... بەلێ‌ بو دەولەت بوونێ‌.(√)

*پرسگریكا رێفراندومێ‌ گرێدایە ب چارەنڤیسێ‌ مللەتی ڤە و گەلەك مەزنترە ژ حزبێن كوردستانی و ناكوكیێن وان یێن سیاسی.

لەورا.... بەلێ‌ بو دەولەت بوونێ‌.(√)

*پاشئێخستن و گیروكرنا ئەنجامدانا رێفراندومێ‌ شكەستنەكا نەتەوەیی یە بو مللەتێ‌ كورد و پەیدابونا بێ‌ ئومێدیێ‌ یە و نزم بونا مورالا گەلێ‌ كوردە بو ب دەستڤەئینانا هیفیێن خو یێن مێژوویی یێن هەمیا باوەری پێ‌ هەی .

لەورا.... بەلێ‌ بو دەولەت بوونێ‌.(√)

*ئەنجامدانا رێفراندومێ‌ د بارودوخەكێ‌ بەرهەڤی بو نەهاتیەكرن گەلەك باشترە ژ شەرو لێكدانێن ناڤخویی و پەیدابوونا ناكوكیێن مەزنتر دنافبەرا هێزێن كوردی دا ژ ئالیەكی ڤە ،و دگەل هێزێن عیراقی و یێن هەرێمی (دەوروبەرا) یێن پشتی داعش پێشبینی بو دهێنەكرن ژ ئالیەكێ‌ دیتر ڤە.

لەورا.... بەلێ‌ بو رێفراندومێ‌ و دەولەت بوونێ‌.
بەلێ‌ بو هیڤی و ئومێدێن مللەتێ‌ كورد ...بەلێ‌ بو دەولەت بونێ‌ و سەربخو بوونێ‌
بەلێ‌ بو وێ‌ ئازادیا خوینا شەهیدان بو هاتیە رێتن
بەلێ‌... بەلێ‌...بەلێ‌.(√)
بژی كورد، بژی كوردستان.