كومبوونا ئاسایی یا وەرزێ‌ دوماهیێ‌ یێ‌ سالا (2014)

ل روژا چوارشەمبی (14/1/2015) كومبوونا ئاسایی یا وەرزێ‌ دوماهیێ‌ یێ‌ سالا 2014 ێ‌ هاتە بەستن ب سەر پەرشتیا رێڤەبەرێ‌ گومركی دگەل ستافێ‌ سەرپەرشتكار ل رێڤەبەریێ‌

ب مەرەما دیار كرنا بزاف و چالاكیێن رێڤەبەریێ‌ ل وەرزێ‌ چارێ‌ یێ‌ سالا 2014ێ‌ و گەنگەشەكرنا خالێن لاواز و ئاستەنگێن كاری و ئاریشە و گرفتێن بەشان و یێن فەرمانبەران و دیار كرنا دیاردە و پێشهاتێن نوی و كاریكەریا وان لسەر داهاتی و كارێ‌ رێڤەبەریێ‌ و دیتنا چارەسەریێن گونجای بۆ نەهێلانا ئاریشە و ئاستەنگێن كاری.
ول دەستپێكێ‌ و پشتی رێڤەبەرێ‌ گومركی بخێر هاتن ل ئامادەبویان كری و سالا نوێ‌ ل وان پێروزكری ئاماژە دا رولێ‌ پێشمەرگێ‌ قەهرەمان و سەركەفتنێن وان یێن بەرچاڤ لسەر تیروریستان و دوژمنێن كوردستانێ‌ و هیڤی یا بەهەشتا بەرین بۆ شەهیدان خواست و داخوازا ساخی و تەندروستیێ‌ بۆ پێشمەرگێن بریندار كر.
و لدی فدا ئاماژە دا خوراگریا فەرمانبەران و كاركرنا وان یا بەردەوام سەرەرای گیروبوونا مووچەی و كاریگەری لسەر بارێ‌ ئابوری یێ‌ وان.
و پاش برگە و بابەتێن كومبوونێ‌ ئێك لدویف هاتنە گەنگەشەكرن و پرانیا وان چارەسەریێن گونجای بۆ هاتنە دیتن دگەل دەست نیشان كرن و راسپاردنا كەسێن گونجای بود یف چوونا بجه ئینان و چارەسەركرنا وان ئاریشا ، ول دوماهیێ‌ هیڤی یا سەركەفتنێ‌ بو زان خواست و بەرەڤ پێشڤوچوونێ‌ و ئاستەكێ‌ باشتر.