پەیڤەك بۆ پروفایلێ‌ ژمارە (3)

ژلایێ‌:- عزەت فتاح ئوسمان

رێڤەبەرێ‌ گومركا دهوك

ل بەراهیێ‌ جهێ‌ خوش حالیا مەیە كە ژمارە (3) ژ پروفایلێ‌ رێڤەبەریا گومركا دهوكێ‌ یێ‌ تایبەت ب كارو چالاكیێت سالا (2011)ێ‌ دەربكەفیت كە ژمارەكە سەر وسیما وهزرو بوچون وبزاڤ وچالاكیێن رێڤەبەریا مە دیار بكەت بێ‌ گومان رێڤەبەریا گومركا دهوك ئێك ژ فەرمانگەهێن پارێزگەها دهوكێ‌ یە، كە بخزمەت كرنا هاولاتیان وبازرگانێت بەرێز رادبیت لدیف تایبەت مەندیا كارێ‌ گومركی وە دچارچوفێ‌ یاسا ورێنمایێن كاری وە ل بن چاڤدێریا وەزارەتا دارایی وئابووری وە هەر وەسا سەرپەرشتیا پارێزگەها دهوكێ‌. بو زانین خاندەڤانێ‌ هێژا كە ئەف پروفایلە دابەش بویە بو سێ‌ بەشان وەكی ل خارێ‌ دیار :

بەشێ‌ ئێكێ‌ تایبەت ب كارێن بو گومركێ‌ هاتینە دانان كە ئەنجام بدەتن ئەوژی ئەف كارەنە:

-1 وەرگرتنا باجێن گورمركی.

-2 جێ‌ بەجێ‌ كرنا زیكەفتنێن بازرگانی.

-3 قەدەغەكرنا رەڤاندنا كەرەستێن بێ‌ هوشكەر.

-4 پاراستنا شینوارا.

-5 سەپاندنا یاسایێن مولكایەتیا فكری.

-6 بەرگریا تیرۆرێ‌.

وە بوارێن كە گومرك بەرپرسیارە ژوان :

 -1     ساخلەمی.

 -2     ئامار.

 -3     چاندن.

 -4     باشیا كەل وپەلان

 -5     ژینگەهـ.

بێ‌ گومان زنجیرە كرنا ڤان كاران دهێتە گهورێن ژ دەولەتەكێ‌ بۆ ئێكا دی لدیف بار و پێتڤیان وان ، بزاڤ هاتیە كرن كە دیار بكەن دهەر كارەكی دی رێڤەبەریا گومركا دهوكێ‌ چ ئەنجام دایە.

هەروەسا بەشێ‌ دووێ‌ تایبەتە ب پێناسەكرنا بەش وخالێن ریڤەبەریا گومركا دهوكێ‌ بو پێناساندنا ڤان جهان ودیار كرنا قەبارێ‌ كارێ‌ هەربەشەكی ئەنجامدای.

بەشێ‌ سیێ‌ گرێدایە ب راپورتێن گشتی یێن ئامارا وپێرابونێن گومركا دهوكێ‌ وهندەك بابەتێن ئازاد، دناف بەرپەرێن بەلاڤوكێ‌ دا دێ‌ هندەك گوتار ودیتن كە فەرمانبەرێن مە نڤیساین گرێدای بكاری ڤە وە ئەڤەژی جهێ‌ دل خوشیێ‌ یە چونكە ئەڤە گرێدانا وانە بكارێ‌ وان ڤە، وەفاداریا وان دیاردكەتن لەوما دەست خوشیێ‌ لوان دكەم ئەوێن ئەڤ كارە ئەنجام داین.

بێ‌ گومان بزاڤ بو بكارئینانا زانستێن كارگیری درێڤەبەریێ‌ دا وە كاركرن بپلان وبو پێش كێش كرنا خزمەتەكە نێزیكی ستاندەردێن جیهانی بن ئێك ژ ئامانجێن رێڤەبەریا گومركا دهوكێ‌ یە ببیتە جهێ‌ رازەمەندیا وان كەسان ئەوێن بو كارێ‌ خو سەرەدانا مە دكەن وە بو ڤێ‌ مەرەمێ‌ بكارئینانا بەرنامێن كومپیوتەری وە گرێدانا هەمی بەشان بتورەكا كومپیوتەری ڤە مەرەم ژی ئەوە ئاسانكرنا جێ‌ بەجێ‌ كرنا كاری وە ئەرشیف كرنەكا جوانە، هەروەسا بزاڤ بو رێزگرتن وە رەفتار كرن برنگەێ‌ هەژی وان كەسان بیت ئەوێن ئەم خزمەتێ‌ بو دكەین.

بڤی رەنگی ئەڤ بروفایلە كەفتە بەردەستێ‌ هنگو هیڤیە دەرگەهەك بیت هوین رێڤەبەریا گومركا دهوكێ‌ پێ‌ بنیاسن، وە سەر وسیمایێ‌ مە بجوانی لدەف هەوە دیار بكەتن وەهەر سەركەفتیبن.