دەروازێن گومركی

دەروازێن گومركی ئەو دەڤەرێن سنورینە یێن دهێنە دەست نیشان كرن بۆ رێكخستنا كریارێن بازرگانیا نیف دەولەتێ‌ بۆ هنارتن وهاوردە كرنا هەمی جورێن كەرەستە و كەل وپەلان .ویا پێدڤی یە ژبۆ پاراستنا ساخلەمیا هاولاتیان وپاراستنا پیشە سازیێن خومالی وبەرژەوەندیێن گشتی كار ل ئەڤان دەروازان بهێتە رێكخستن ژلایێ‌ رێڤەبەریێن گومركی ڤە .

ول پرانیا دەروازێن هەڤپشك دگەل وەلاتێن دیتر بزاڤا بازرگانی دهێتە رێكخستن ژ لایێ‌ رێڤەبەریێن گومركی ڤە هندەك دەروازا نڤیسینگەهێن گومركی لێ‌ هاتیە دانان ب تایبەت ئەوێن رێژەیا بزاڤا بازرگانی كێمتر ژیێن دیتر دەروازێن گومركی یێن سەر ب سنورێ‌ كارگێری یێ‌ رێڤەبەریا گومركا دهوكێ‌ دگەل سنورێن پارێزگەهێن دیتر یێن عیراقی :و یێن نڤێسینگەهێن گومركی لێ‌ هاتینە دانان ئەڤێن ل خارێ‌ نە :

{flike}

{fcomment}

1-نڤیسینگەها گومركا ئالوكا

نڤیسینگەهەكا گومركی یە سەر ب رێڤەبەریا گومركا دهوك ڤە یە ل دەروازەیێ‌ ئالوكا هاتیە دانان , هەر چەندە ئەف دەروازە لسەر سنورێ‌ كارگێری یێ‌ پارێزگەها دهوكێ‌ نەهاتیە دانان لێ‌ ژئەگەرێ‌ كاودانێن رامیاریا عیراقێ‌ ونەئارامیا سەڤامگیریێ‌ ل پارێزگەهێن دیتر یێن عیراقێ‌ وژبۆ كونترول كرنا بزاڤا بازرگانی وپاراستنا سەقامگێریا پارێزگەها دهوكێ‌ ئەڤ دەروازە هاتیە دەست نیشان كرن بۆ نڤیسنگەها گومركا ئالوكا دگەل زالگەها ئالوكا ونڤیسینگەهێن رێڤەبەریێن دیتر یێن پەیوەندیدار ل نڤسینگەها ئالوكا كریارێن گومركی دهێنە ئەنجام دان ژهەمی ئالیاتە ورێكخستنا بزاڤا بازرگانی ب رێكا كارێن پشكنینێ‌ ونەهێلانا هاتنا كەرەستە وكەل وپەلێن قەدەغەكری ووەرگرتنا باجێ‌ گومركی ل گورەی پێناسا گومركی ورێنمایێن كاری .

هژمارا فەرمانبەرێن ل نڤیسینگەها گومركا ئالوكا كاردكەن (35) فەرمانبەرن ولسەر سێ‌ پوستان هاتینە دابەشكرن وكارێ‌ وان ب شەڤ وروژ یێ‌ بەردەوامە وئەڤان كارێن سەرەكی یێن ل خارێ‌ دیاركری ئەنجام ددەن :-

1.جێ‌ بە جێكرنا رێنمایێن وەزارەتا دارایی وئابوری ویێن پارێزگەهێ‌ و یێن رێڤەبەریا گومركا دهوك .

2.پشگداری كرن وكومكرنا داهاتێ‌ گونجینا حكومەتا هەرێمێ‌ دا ب رێكا وەرگرتنا باجێن گومركی لدویف یاسا پێناسا گومركی ورێنمایێن كاری .

3.هەفكاری دگەل دەزگایێن ئارامیێ‌ وسەقامگیریێ‌ ل زالگەها ب رێكا پشكنین كرنا ترومبێلێن بارهەلگر ودەستەسەركرنا هەمی جورێن كەل وپەلێن قەدەغەكری .

4.پشكنین كرنا هەمی جورێن كالایی بازرگانی ژبۆ وەك ئێك كرنا وان دگەل فورما راگەهاندنا گومركی وپشت راستبونا ژ دروستیا باجێ‌ هاتیە وەرگرتن ورێكخستنا بزاڤا بازرگانی ونەهێلانا رەڤاندنا كەرەستێن قەدەغەكری .

5.هاریكاریا هەمی فەرمانگەهێن دیتر دكەت یێن ل زالگەها ئالوكا كار دكەن ب رێكا رەوانە كرنا هەمی كەرەستە وكەل وپەلێن ملكەج بۆ تاقیگەهێن پەیوەندیدار وەك ( تاقیگەها ساخلەمیێ‌ وبیناسازی وفیتێرنەری ...هتد ) .

6.پشگداری كرن دلیژنێن ژناڤبرنا كەرەستێن ماوێ‌ بكارئینانا وان بدوماهی هاتی ویێن نە لدویف ساخلەتێن پێدڤی .

2-نڤیسینگە ها گومركا مە ندان

   پشتی دەرچوونابریارا هەلوەشاندنا رێفەبەریا گومركا ئاكرێ‌ ل 13/5/2014 لدویف نفیسارا ژمارە 8658 یا گشتی گومرك و بەرفرە هبوونا سنورێ‌ كارگێری یێ‌ رێفەبەریا گومركا دهوكی. نڤیسینكەها كومركا مەندان دەروازەكە دگەل دەفەرێن دیتر ێین كارگیریا گومركا ئاكرێ‌ هاتیە ب سەرسنورێ‌ كاركێریا رێڤەبەریا گومركا دهوكێ‌ و دكەڤیتە دەفەرا مەندان یا سەرب دەڤەرداریا بەردەرەش ڤە.

ئەف دەروازە هاتیە دەست نیشان كرن بو نڤیسینگەها گومركا مەندان دگەل زالگەها مەندان بو كونترول كرنا سنورێ‌ ڤێ‌ دەڤەرێ‌ دگەل پارێزگەها نەینەوا ورێكخستنا بزاڤا بازركانی وپاراستنا ئاسایشا دەڤەرێ‌.ل نڤیسینگەها مەندان كریارێن گومركی دهَینە ئەنجام دان ژهەمی ئالیاڤە مینا كارێن پشكنین ورێك كرتن ل كەرستە و كەل وپەلێن قەدەغەكری و وەركرتنا باجێن گومركی لدویف یاسا پێناسا گومركی و رێنمایێن كاری.

هەژمارا فەرمانبەرێن نڤیسینگە هێ‌ 29 فەرمانبەرن و لسەر سێ‌ پوستاهاتینە دابەشكرن وئەڤان كارێن ل خارێ‌ ئە نجام ددەن.

1-جێ‌ بە جێكرنا رێنمایێن وەزارەتا دارایی وئابوریویێن پارێزگەهێ‌ و یێن رێڤەبەریا گومركادهوكێ‌.

2-پشگداری كرن دكومكرنا داهاتێ‌ گەنجینا حكومەتاهەرێمێ‌ دا ب رێكا وەرگرتنا باجێن گومركی لدویف یاسا پێناسا گومركی ورێنمایێن كاری.

3- هاریكاریا دەزگایێن ئاسایشێ‌ دكەت ل زالگەهێ‌ ب رێكا پشكنین كرنا ترومبێلێن بارهەلگەر ودەستەسەركرنا هەمی جورێن كەرەستەو كەل وپەلێن قەدەغەكری ویێن مەترسیدار.

4- پشكنین كرنا هەمی جورێن كالایێن بازرگانی ژبو وەك ئیك كرن وان دگەل فورما راگەهاندنا گومركی وپشت راست بوون ژدروستیا باجێ‌ گومركی یێ‌ هاتیە دان ورێكخستنا بزاڤا بازرگانی ونەهێلانا رەڤاندنا كەرەستێن قەدەغەكری.

5- هاریكاریا هەمی دەزگایێن دیتر دكەت یێن ل زالكەها مەندان كاردكەن ب رێكا رەوانەكرنا هەمی كەرەستە وكەل وپەلێن ملكەچ بو تاقیگەهێن پەیوەندیدار وەك تاقیكەهێن (ساخلەمیێ‌وبیناسازیێ‌ وفیتێرنەری............هتد).

3- دەروازێ‌ شیف شرینێ‌

ئەف دەروازە دكەڤیتە دەڤەرا شێخان وئەوژی یا هەڤپشكە دگەل سنورێ‌ پارێزگەها نینوی , ول بەرە نڤیسینگەهەكا گومركی سەر ب رێڤەبەریا گومركا دهوكێ‌ ڤە لێ‌ بهێتە دانان ژبۆ ئەنجام دانا هەمان ئارمانج وكارێن نڤیسینگەهێن گومركی یێن دیتر . وهەمی ئامادەكاری ژلایێ‌ كارگێریا رێڤەبەریا گومركا دهوكێ‌ ڤە بۆ هاتینە كرن .